මිග් ගනුදෙනුවට අදාළ මුදල් මාගේ ගිණුම් වලට බැර වී ඇති බවට සත්‍ය සාක්ෂි ලිඛිතව අධිකරණයට ඉදිරිපත්කර නිතිය ක්‍රියාත්මක කරන ලෙස ආණ්ඩුවට අභියෝග කරමි.
Posted on January 23rd, 2018
උදයාංග වීරතුංග – රුසියාවේ හිටපු ශ්‍රී ලංකා තානාපති.
මා විසින් අයුතු ලෙස උපයාගත් දේපල ඇති බව හුවා දැක්වීමට යහපාලන ආණ්ඩුව අලුත්ම උත්සාහයක නිරතව ඇත. එතෙර ජිවත් වූ වසර 32 තුල නීත්‍යනුකූලව පිටරට දී උපයන ලද විදේශ විනිමය, ශ්‍රී ලංකාවේ අනේවාසික විදේශ ගිණුම් වල (NRFC) තැන්පත් කර ඇති අතර එම විදේශ විනිමය ආයෝජනය කර මෙම දේපල මිලදීගෙන ඇති බව කිව යුතුය. යහපාලනය වසර තුනකට ආසන්න කාලයක්‌ මගේ සියලු ගිණුම් අක්‍රීය කර ඇති අතර සියලු ගිණුම් පරික්ෂා කරන ලදී. මා විසින් නිත්‍යානුකූලව මිලදී ගෙන ඇති වත්කම් බැරකම් ප්‍රකාශය මගීන් වාර්ෂිකව රජයට ඉදිරිපත් කර ඇති දේපල විකිණීම හෝ පැවරීම අත්හිටු වීම හුදෙක් දේශපාලන පළිගැනීමකි. 2006 වර්ෂයේ සිට වත්කම් බැරකම් ප්‍රකාශය මගීන් රජයට ඉදිරිපත්කර ඇති මෙම දේපල සැගවීමට අවශ්‍ය නැත.
මිග් ගනුදෙනුවට අදාළ ගිවිසුම අත්සන් කල කාලය තුල මා, ශ්‍රී ලංකාවට පැමිණ නැති බව ආගමනය විගමන දත්ත අනුව සරලව ඔප්පුවන නමුත්, මා එම ගිවිසුම ලංකාවට රැගෙනවිත් ගුවන් හමුදාපතිගේ අත්සන් ලබාගෙන නැවත රැගෙන ගිය බවට පොලිසිය සාවද්‍ය තොරතුරු ඉදිරිපත් කර අධිකරණය හරහා මා සැකකරුවනකු ලෙස නම් කරන ලදී. මෙවරත් කිසිදු සාක්ෂියක් ඉදිරිපත් නොකර මිග් ගනුදෙනුවේ මුදල් මගේ ගිණුම්වලට ලැබී ඇති බවට අසත්‍ය තොරතුරු අධිකරණයට ඉදිරිපත් කර ඇත. එසේ ගිවිසුමට අදාළ මුදල් මගේ ගිණුම්වලට බැරවී ඇති බවට සාක්ෂි ඇත්නම්, ඒවා වහාම අධිකරණයට ඉදිරිපත් කර නිතිය ක්‍රියාත්මක කරන ලෙස ආණ්ඩුවට මා අභියෝග කරමි.
ඒ අතර මිග් ගිවිසුම යුක්රේන්මාෂ් අත්සන් නොකළ බව මුල්‍ය අපරාධ විමර්ශන ආයතනය චෝදනා කරන අතර එම ගිවිසුමට අමතරව වෙනත් ගිවිසුමක් ඇති බව යහපාලන ඇමතිවරුන් චෝදනා කරයි. එසේ නම් ගුවන් හමුදාවේ ඇති මිග් ගුවන්යානා 8 අප රටට ලබා දී ඇත්තේ කුමන ගිවිසුමක් යටතේද යන්න යුක්රේනියානු රජයෙන් දැනගත යුතු අතර දෙවන ගිවිසුමකට ගුවන්හමුදාව විසින් අත්සන් කර ඇතිනම් ඊට වගකිව යුතු සැකකරුවන් වහාම අධිකරණයට ඉදිරිපත් කල යුතුය.
ගුවන්යානා තත්ව පරික්ෂාකිරීමේන් පසු Factory Acceptance Certificate” සහතික දෙපාර්ශවය විසින් අත්සන් කර ඇත. ගුවන්හමුදාවේ නිර්දේශ මත එම සහතිකය අදාළ විදේශ බැංකුවට ඉදිරිපත්කර විකුණුම් පාර්ශවය විසින් අදාළ මුදල් වසර 3ක් තුල ලබාගෙන ඇත. එම මුදල් මගේ ගිණුම්වලට බැරවී ඇති බව පොලිසිය විසින් ජනවාරි 18 දින උසාවියට දැනුම් දී ඇත. එසේ නම් එම චෝදනා සනාථ කිරීමට සත්‍ය සාක්ෂි අධිකරණයට වහාම ඉදිරිපත්කර දේශපාලන බලපෑමකින් තොරව මිග් ගනුදෙනුව හරහා වංචාවක් සිදුවී ඇති බව පළමුව ඔප්පුකර පසුව ඊට සම්බන්ධ අයට නිතිය ක්‍රියාත්මක කිරීම නිවරදි බව පෙන්වා දෙමි. වසර තුනකට ආසන්න කාලයක්‌ ඊට අදාළ කිසිදු සත්‍යය සාක්ෂියක් පොලිස් මුල්‍ය අපරාධ විමර්ශන ආයතනය අධිකරණයට ඉදිරිපත් කර නැති නමුත්, බැංකු ගිණුම් අක්‍රීය කිරීම මෙන්ම දේපල විකිණීමට තහනම් නියෝගයක් පැනවීමට කටයුතු කරමින්, සිදුකරන දේශපාලන පළිගැනීම් වනාහි පොලිස් රාජ්‍යයේ උපරිම ලක්ෂණ පෙන්නුම් කිරීමකි.
ආණ්ඩුවේ බොරු සියල්ලම අතේ පත්තු වී හමාර නිසා දැන් ජන්ද වාසි ලබා ගැනීමට වෙනත් බොරු ගොතමින් සිටී. ඔවුන් මට විරුද්ධව එල්ල කරන චෝදනා සියල්ල අමූලික බොරු බව ලාංකික ජනතාවට දැනගැනීම පිණිස ඉතා වගකීමෙන් මෙම ප්‍රකාශ
උදයාංග වීරතුංග – රුසියාවේ හිටපු ශ්‍රී ලංකා තානාපති.