සිවිල් ආරක්ෂක දෙපාර්තමේන්තුවේ නව අධ්‍යක්ෂ ජනරාල්තුමා ගරු අග්‍රාමාත්‍යතුමා බැහැදකී
Posted on July 15th, 2021
අග්‍රාමාත්‍ය මාධ්‍ය අංශය
සිවිල් ආරක්ෂක දෙපාර්තමේන්තුවේ නව අධ්‍යක්ෂ ජනරාල් ලෙස පත්වීම් ලැබූ මේජර් ජෙනරල් නෙවිල් රන්ජන් ළමාහේවගේ මහතා ඊයේ (13) දින අරලියගහ මන්දිරයේ දී ගරු අග්‍රාමාත්‍ය මහින්ද රාජපක්ෂ මහතා හමුවී සිය සේවය සැල කර සිටියේය.
1986 ඔක්තෝම්බර් 27 වන දින දෙවන ලුතිනන්වරයෙකු ලෙස ගජබා රෙජිමේන්තුවට එක්වුණු නෙවිල් රන්ජන් ළමාහේවගේ මහතා අඛණ්ඩව 35 වසරක් යුද හමුදා සේවයේ නිරතවිය.
යුද්ධයේ දී දක්වන ලද විශිෂ්ට දක්ෂතා වෙනුවෙන් රණවික්‍රම පදක්කම හා රණශූර පදක්කමෙන් තුන්වතාවක් පිදුම් ලැබූ මේජර් ජෙනරාල් නෙවිල් රන්ජන් ළමාහේවගේ මහතා ගාල්ල මහින්ද විද්‍යාලයේ හා ගාල්ල ශාන්ත ඇලවීෂියස් විද්‍යාලයේ කීර්තිමත් ආදි ශිෂ්‍යයෙකි.
සිවිල් ආරක්ෂක දෙපාර්තමේන්තුවේ ඉදිරි කටයුතු වෙනුවෙන් මෙහි දී අග්‍රාමාත්‍යතුමා නව අධ්‍යක්ෂ ජනරාල්තුමාට සුභ පැතුම් එක් කළේය.
මෙම අවස්ථාවට අමාත්‍ය එස්.එම් චන්ද්‍රසේන, අග්‍රාමාත්‍ය ලේකම් ගාමිණි සෙනරත්, අග්‍රාමාත්‍ය කාර්ය මණ්ඩල ප්‍රධානී යෝෂිත රාජපක්ෂ මහත්වරු එක්ව සිටියහ.