යුක්තිය මෙහෙයුමට අදාළව වැල්ලම්පිටියෙන් පමණක් සැකකරුවන් 55 දෙනෙකු අත්අඩංගුවට (වීඩියෝ)
Posted on December 17th, 2023
උපුටා ගැන්ම හිරු පුවත්
වැඩබලන පොලිස්පති දේශබන්දු තෙන්නකෝන්ගේ උපදෙස් මත දිවයින පුරා මේ වනවිට සිදු කෙරෙමින් පවතින යුක්තිය මෙහෙයුමට අදාළව වැල්ලම්පිටිය පොලිස් බල ප්‍රදේශයේ පමණක් සැකකරුවන් 55 දෙනෙකු අත්අඩංගුවට ගෙන තිබෙනවා.
මත්ද්‍රව්‍ය ජාවාරම සහ සංවිධානාත්මක අපරාධ මැඩලීම සඳහා මෙම විශේෂ මෙහෙයුම ආරම්භ කෙරුණේ අද (17) අලුයම හතරේ සිටයි.
දිවයින පුරා පොලිස් කොට්ඨාස 45 ක් ආවරණය වන පරිදි ක්‍රියාත්මක වන මෙම මෙහෙයුමට පොලිස් විශේෂ කාර්ය බලකාය මෙන්ම ත්‍රිවිධ හමුදාවේ නිලධාරීන්ද එක්ව සිටිනවා.
නියෝජ්‍ය පොලිස්පතිවරු 9 දෙනෙකු විසින් මෙම මෙහෙයුමේ සියලු අධීක්ෂණ කටයුතු සිදුකරන බවයි පොලිස් මාධ්‍ය කොට්ඨාසය සඳහන් කළේ.