පළිබෝධනාශක රෙජිස්ට්‍රාර්ට අල්ලන්නේ තහනම් කෘෂිරසායන 9 යි. -හොර බෙහෙත් වර්ග 30 කට වැඩිය නිදහසේ විකුණමින් ‘කාබනික කෘෂිකර්මය‘ බෝඩ් ගැසීම විහිළුවක්
Posted on September 26th, 2021
රජිත් කීර්ති තෙන්නකෝන් දකුණ හා මධ්‍ය පළාත් හිටපු ආණ්ඩුකාර
ලංකාවේ කරන්නේ ඩොලර් වෙනුවට රත්තරං වලින් ගෙවලා, හොරට ගෙන්නලා, හොරට බෙදන, හොරට විකුණන, හොර කාබනික වගාවක්‘
දිවයින පුරා හොරට විකුණන පළිබෝධක නාශක 30 කට ආසන්න ප්‍රමාණයක් අතුරින් 9 ක් පමණක් අල්ලා නඩු පැවරීමට ක්‍රියාකාර න ලෙස පළිබෝධනාශක රෙජිස්ට්‍රාර් නියෝග කර ඇත. දිගු කලක් ඇස් කන් වසාගෙන සිටි රජය 2021 සැප්. 23 මා විසින් සිදු කළ හෙළිදරව් කිරීමෙන් පසුව සැප්. 24 මෙම නියෝගය කර ඇත. පළිබෝධනාශක පනත යටතේ නීති විරෝධී කෘෂි රසායන අත්අඩංගුවට ගැනීම හා නඩු පැවරීම ඇරඹීම සතුටට කරුණක් නමුත් නීති විරෝධී පළිබෝධකනාශක 9 ක් පමණක් අත්අඩංගුවට ගැනීමෙන් උග්‍ර විශ සහිත රසායන නිදහසේ විකීණිම සඳහා ආණ්ඩුව පරිසරය නිර්මාණ්‍ය කර ඇත.
කලකට පෙර ලංකාවේ තහනම් කළ අධි විෂ සහිත මොනක්‍රොටපස්, මැලතියන් හා කාබෝෆියුරාන් පවා අසිමිත ලෙස රටට ගෙන්වීම මේ වන විට සිදුවේ. ඒවා විවිධ නම්වලින් ඇසුරුම් කර මේ වන විට අලෙවි කෙරේ. රටට-ලෝකයට කාබනික කෘෂිකර්මාන්තය පෙන්වමින් බෝට්ටු කෘෂි රසායන මගින් මහ කන්නයේ වගාව සිදු කිරීම රජයේ සැලසුම වී ඇත.
රජයේ නිල ඩොලර් ගිණුමට බරක් නැති, රත්තරං වෙනුවට කෘෂි රසායන හොරෙන් ගෙන්වන ව්‍යාපෘතිය කෘෂිකර්ම අමාත්‍යාංශයට ආශිර්වාදයක් ලෙස සලකමින් කෘෂිකර්ම ලේකම් උදය ජයසිංහ, මහාචාර්ය ප්‍රියන්ත යාපා, තේ මණ්ඩලයේ සභාපති ජයම්පති මොල්ලිගොඩ ඇතුළු පිරිස කටයුතු කරති.
රේගුවට හොරෙන් බෝට්ටුවෙන් ගෙන්වා, හොරට රට පුරා බෙදා, හොරට අලෙවි කරන කෘෂි රසායන යොදා ගනිමින් නමට පමණක් කාබනික ගොවිතැනක් දැන් රටේ නිර්මාණය වී තිබේ. කෘෂිකර්ම අමාත්‍යාංශයේ අමන-තකතීරු ප්‍රතිපත්තිය මෙරට කෘෂිකර්මාන්තය සම්පූර්ණයෙන්ම කළු කඩය මත යැපෙන තැනකට තල්ලු කර ඇත. මේ කළු කඩ ප්‍රතිප්තිය රු. 6000 ට තිබූ කෘෂි රසායන දැන් රු. 12,000 දක්වා මිල ඉහල නැංවීමට හේතු වී ඇත.
පළිබෝධක නාශක රෙජිස්ට්‍රාර් 1980 අංක 33 දරණ පිළිබෝධනාශක පාලනය කිරීමේ පනත යටතේ සියළුම බලයලත් නලධාරීවරුන්, සියලුම නඩු පැවරීමේ නිලධාරි හා නඩු කටයුතු මෙහෙයවීමේ නිලධාරීන් ට නියෝග කර ඇත්තේ කෘෂි රසායන 9 ක් පමණක් සොයා මෙහෙයුම් කර නඩු පවරණ ලෙසය. (එම නිවේදනය මේ සමඟ අමුණා ඇත) එමගින්, අනෙකුත් සියලු නීති විරෝධී කෘෂි රසායන අලෙවියට විවෘත නිල නොවන බලපත්‍රයක් ලැබී ඇත.
වහා ක්‍රියාත්මක වන පරිදි මෙරට අලෙවි වන සියළුම නීති විරෝධී කෘෂි රසායන අල්ලා ගැනීමට මෙහෙයුම් දියත් කරන ලෙසත්, ජාවාරම්කරුවන්ට නඩු පවරණ ලෙසත් හිටපු ආණ්ඩුකාර රජිත් කීර්ති තෙන්නකෝන් සිය නිවේදනයෙන් ඉල්ලා සිටී.